Santiago de Compostela recibe a la Camerata de la Escuela Superior de Música Reina Sofía en un concierto del ciclo “Centenario Telefónica”
Hoxe, no Auditorio do Edificio CINC da Cidade da Cultura de Santiago
As 15 novas incorporacións nos últimos 8 meses reflicten o apoio do tecido tecnolóxico galego ás propostas e accións desenvolvidas pola entidade nos últimos anos
Presentaranse para aprobación o informe económico de 2020 e os orzamentos e actividades para este ano
Santiago de Compostela, xoves 17 de xuño de 2021.- O Clúster TIC Galicia celebrará hoxe a súa Asemblea Ordinaria cun amplo apoio aos proxectos, accións e medidas desenvolvidas pola entidade para dar un novo pulo ao proxecto da Cidade das TIC, á internacionalización das empresas galegas e aumentar a oferta de perfís tecnolóxicos cunha alta cualificación, como se reflicte no maior incremento da historia rexistrado na masa social da entidade, con 15 novas incorporacións dende a última asemblea celebrada o 30 de setembro de 2020.
Durante a asemblea, que se poderá seguir de forma presencial ou en remoto, presentarase perante os socios o informe económico de xestión do 2020, así como o orzamento e a proposta de actividades deste ano para a súa aprobación. Tamén se exporán os últimos progresos e os vindeiros pasos para avanzar na Cidade das TIC, un proxecto estratéxico para o futuro da entidade e que está a acadar unha resposta moi positiva por parte do tecido empresarial TIC galego. As entidades que o conforman atopan neste parque tecnolóxico unha infraestrutura necesaria e imprescindible para amosar o seu potencial ao exterior e situar a Galicia como un referente en innovación dixital. Así quedou patente na alta demanda de espazos rexistrada na primeira convocatoria para ocupar o Centro de Servizos Avanzados, para o que se conseguiu un financiamento de 4,8 millóns de euros. Será o primeiro edificio do proxecto que se porá en marcha e superou todas as expectativas ao recibir solicitudes de empresas para cubrir ata tres edificios, un ano antes da súa inauguración.
Neste último ano, o Clúster TIC Galicia concentrou os seus esforzos en levar a cabo accións centradas en fortalecer o sector e impulsar a transformación dixital das empresas galegas a través da participación activa nos hubs de innovación dixital Dihgigal e DATAlife. Tamén, fixo especial fincapé na capacitación de perfís tecnolóxicos a través de iniciativas propias, colaboracións público-privadas e coa participación no Campus Dual para resolver a preocupante diferencia entre a oferta e a demanda de profesionais do sector, que cada ano e conforme avanza a dixitalización, se fai máis perentoria.
Actualmente, o Clúster TIC Galicia está conformado por cento quince socios, entre grandes empresas (14), pemes (80), emprendedores (19), centros tecnolóxicos (2) e colexios e asociacións profesionais (1), que supoñen unha facturación conxunta de máis de 780 millóns de euros e un total de 11.785 traballadores.
Saúdos.
Gabinete de prensa.
NOTA DE PRENSARelated posts
